भज मन राम चरण सुखदाई

भज मन राम चरण सुखदाई

जिहि चरननसे निकसी सुरसरि संकर जटा समाई ।
जटासंकरी नाम परयो है, त्रिभुवन तारन आई ॥

जिन चरननकी चरनपादुका भरत रह्यो लव लाई ।
सोइ चरन केवट धोइ लीने तब हरि नाव चलाई ॥

सोइ चरन संत जन सेवत सदा रहत सुखदाई ।
सोइ चरन गौतमऋषि-नारी परसि परमपद पाई ॥

दंडकबन प्रभु पावन कीन्हो ऋषियन त्रास मिटाई ।
सोई प्रभु त्रिलोकके स्वामी कनक मृगा सँग धाई ॥

कपि सुग्रीव बंधु भय-ब्याकुल तिन जय छत्र फिराई ।
रिपु को अनुज बिभीषन निसिचर परसत लंका पाई ॥

सिव सनकादिक अरु ब्रह्मादिक सेष सहस मुख गाई ।
तुलसीदास मारुत-सुतकी प्रभु निज मुख करत बड़ाई ॥

wish4me to English

jihi charananase nikasee surasari sankar jata samaee .
jataasankaree naam parayo hai, tribhuvan taaran aaee .

jin charananakee charanapaaduka bharat rahyo lav laee .
soi charan kevat dhoi leene tab hari naav chalaee .

soi charan sant jan sevat sada rahat sukhadaee .
soi charan gautamrshi-naaree parasi paramapad paee .

dandakaban prabhu paavan keenho rshiyan traas mitaee .
soee prabhu trilokake svaamee kanak mrga sang dhaee .

kapi sugreev bandhu bhay-byaakul tin jay chhatr phiraee .
ripu ko anuj bibheeshan nisichar parasat lanka paee .

siv sanakaadik aru brahmaadik sesh sahas mukh gaee .
tulaseedaas maarut-sutakee prabhu nij mukh karat badaee .