पद

मैया, कबहि बढ़ैगी चोटी?
किती बार मोहि दूध पियत भई, यह अजहूँ है छोटी।
तू जो कहति बल की बेनी ज्यौं, ह्नै है लाँबी-मोटी।
काढ़त-गुहत न्हवावत जैहै, नागिनी सी भुइँ लोटी।
काँचौ दूध पियावत पचि-पचि, देति न माखन-रोटी।
सूरज चिरजीवौ दोउ भैया, हरि-हलधर की जोटी।
(2)
तेरैं लाल मेरौ माखन खायौ।
दुपहर दिवस जानि घर सूनो ढूँढ़ि-ढँढ़ोरि आपही आयौ।
खोलि किवारि, पैठि मंदिर मैं, दूध-दही सब सखनि खवायौ।
ऊखल चढ़ि, सींके कौ लीन्हौ, अनभावत भुइँ मैं ढरकायौ।
दिन प्रति हानि होति गोरस की, यह ढोटा कौनैं ढँग लायौ।
सूर स्याम कौं हटकि न राखै तैं ही पूत अनोखौ जायौ।\

wish4me In English

maiya, kabahi badhaigee chotee?
kitee baar mohi doodh piyat bhee, yah ajahoon hai chhotee.
too jo kahati bal kee benee jyaun, hnai hai laanbee-motee.
kaadhat-guhat nhavaavat jaihai, naaginee see bhuin lotee.
kaanchau doodh piyaavat pachi-pachi, deti na maakhan-rotee.
sooraj chirajeevau dou bhaiya, hari-haladhar kee jotee.
(2)
terain laal merau maakhan khaayau.
dupahar divas jaani ghar soono dhoondhi-dhandhori aapahee aayau.
kholi kivaari, paithi mandir main, doodh-dahee sab sakhani khavaayau.
ookhal chadhi, seenke kau leenhau, anabhaavat bhuin main dharakaayau.
din prati haani hoti goras kee, yah dhota kaunain dhang laayau.
soor syaam kaun hataki na raakhai tain hee poot anokhau jaayau.\